Aztertu natura tradizioarekin lotzen duen etapa.
Ireki begiak. Ikusten al duzu belardiz betetako zelaia?
Harago begiratu. Mendixkaren tontorrean gailentzen den baselizarantz.
Jantzi botak. Bidean zabiltzala nabaritzen al dituzu oinen azpian lurra eta hostoak?
Orain, entzun arretaz. Entzuten al duzu haranean sigi-saga dabilen ibaia?
Jarri arreta handixeagoa, haizea pagoen, haritzen, gaztainondoen, pinuen eta abarren adarrak astintzen entzun arte.
Zeren usaina dago? Belardiko monotonia berdea hausteko handientsu goratzen den baserriko egurraren usaina. Tolosako babarrunen usaina, su baxuan prestatzen orduak eman ondoren. Ondo ketutako Idiazabalgo gaztaren usaina.
Eta gatzaren zaporea du, Leintz Gatzagako gatzarena. Gorrotxategiren txokolatearen eta Casa Eceizaren teilen zaporea. Baita Goierriko estiloan prestatutako taloen (artozko euskal ogi tradizionala) zaporea ere.
Ibilbide hau poliki dastatzen da, inor ukitzera ausartu ez den edertasun natural horren eta haren aberastasun arkitektoniko eta kulturalaren ñabardura bakar bat ere alde batera ez uzteko: Oñatiko Multzo Historiko-Artistikoa edo Oteizak zizelkatutako Arantzazuko santutegi ikaragarria.
Murgildu itsaso lasai honetan. Murgildu mendi hauetan. Murgildu hodei haietan.
Deskubritu Euskadi Basque Country Grand Tour: Donostiatik Gasteizera, zentzumenekin konektatuz. Arakatu zelai berdeetatik Arantzazuko Santutegi historikora, Ordiziako, Tolosako eta beste hainbat herritako azoketatik igaro eta Idiazabal gazta dastatu ondoren. Aztertu natura tradizioarekin lotzen duen etapa. Zentzumen guztietarako esperientzia!
Deskargatu ibilbide hau zure gailutik jarraitzeko:
Gastronomia kultura eta tradizioaren funtsezko zatia da Donostia eta Gasteiz arteko geralekuetan. Gustu eta aurrekontu guztietarako aukera zabala eskaintzen du, eta bisita bakoitza aukera paregabe bihurtzen da ahosabaia gure tokiko sukaldaritzaren onenarekin gozatzeko. Zure sukaldaritza-esperientziaren kalitatea bermatzeko, Euskadi Gastronomika bisitatzea gomendatzen dizugu. Hantxe topatuko dituzu bikaintasunagatik eta euskal sukaldaritzaren autentikotasunarekiko konpromisoagatik nabarmentzen diren establezimendu ziurtatuak.
Ibilbideko tarte honetan, gastronomiazaleok paradisu bat aurkituko duzue, modu tradizionalean egiten diren kalitatezko produktuekin. Tolosaldetik, Goierritik eta Debagoienetik igarotzen den tarte honetan, Euskadiko produktu berezienetako batzuk aurkituko dituzu.
Euskadi-Basque Countryren bihotzera ihesaldi ahaztezin bat prestatzen al zabiltza? Ideiak behar al dituzu zure ibilbide-bidaian zer egin eta zer bisitatu erabakitzeko? Kantauri itsasoko olatuak, mendi-tontorrak, historia aberatsa eta kultura aparta… Euskadi-Basque Countryk esperientzia berezia eskaintzen dizu. Hemen dituzu “Euskadi – Basque Country Grand Tour” biran egin beharreko 50 geldialdiak. UNESCO, Artea eta Kultura, Natura, Euskal Kostaldea, Hiriak eta Herriak.
