Menu
7. etapa
Bisita gidatua oinez Bilbon
Zer egin > Ondare Kulturala > Bisita gidatua oinez Bilbon
Miatu Bilboko txoko guztiak, tipi-tapa oinez eta gidari batek lagunduta. Bi aukera zoragarri dituzu hiriko aberastasun historiko eta kulturalean murgiltzeko: Zazpikaleak eta Zabalgunea.
Murgildu Bilboko alde zaharreko kale estu harriztatuetan barrena eginiko bidaia batean, hiriaren bihotz historikoa ezagutzeko.
Deskubritu Zazpikaleetako arkitektura, merkatu tradizionalak eta giro zirraragarria. Santiago katedraletik Plaza Barriraino, txoko bakoitzak badu zer kontatu.
Gure tokiko gidariek barruti honen iraganean eta orainean murgilduko zaituzte, eta, bidean zehar, zenbait sekretu eta bitxikeria azalduko dizute.
Ez galdu Erriberako Merkatua, Europako merkatu babestu handi eta zaharrenetako bat.
Erriberako Merkatua XIV. mendeaz geroztik urteak joan eta urteak etorri eboluzionatu duen merkataritza-epizentro historiko bat da.
Plaza Nagusian aire zabaleko merkatu gisa hasi zen, eta XIX. mendean egitura iraunkorragoa eman zioten. Azkenean, diseinu modernista hartu zuen.
1929an, egungo eraikin arrazionalista inauguratu zen. Geroago, 1983ko uholdeek astindu zuten, eta, ondoren, eraberritu egin zuten. 1990ean, Europako udal-merkatu osoen eta handien aitortu zuen Errekorren Guinness Liburuak.
Erriberako Merkatuak Bilboren historia eta espiritua islatzen ditu, eta ezinbesteko lekua da merkataritzarako eta sozializatzeko.
Arakatu Bilboren hedapen modernoa, Zabalgunera bisita gidatu bat eginez. Eremu horrek ederki asko islatzen du hiriak zer-nolako gorakada industriala eta ekonomikoa izan zituen XIX. mendean.
Paseatu etorbide zabaletatik, miretsi arkitektura eklektikoa eta deskubritu nola bihurtu zen Bilbo punta-puntako hirigune. Alde Zaharreko xarma historikoa zein Zabalguneko dotorezia aukeratzen dituzula ere, oinezko bisita gidatuok Bilboren esentzian murgilduko zaituzte. Ezagutu hiriaren historia, kultura eta edertasuna, gidari sutsuen begietatik.