Biasteri (Laguardia)

Biasteri (Laguardia) Arabako Errioxako hiriburua da, eta X. mendean Nafarroako Erresumaren defentsarako gotorleku gisa sortu zenetik ia osorik mantendu duen harresi-hiria. Kale estuek, sarbide-ateek eta harresien aztarnek Erdi Aroko bizimoduaren irudi fidela eskaintzen dute, erromanikoaren eta neoklasizismoaren arteko estiloak biltzen dituzten eraikin zibil eta erlijiosoekin.

Monumentuen artean nabarmentzen da Erregeen Santa Maria eliza; haren aztarnarik zaharrenak XII. mendekoak dira, eta XVII. mendean polikromatutako ataria euskal Erdi Aroko artearen piezarik berezienetako bat da. San Joan Bataiatzailearen elizan, besteak beste, barroko estiloko erretaula nagusi aipagarria dago. XIV. mendeko Primizia Etxea, berriz, hiribilduko eraikin zibilik zaharrena da.

Hala ere, Biasteri (Laguardia) ezin da ulertu ardoa kontuan hartu gabe. Haren kaleen azpian eta inguruan mendeetako mahastizaintza eta ardogintza islatzen dituzten upategi ugari daude, horietako batzuk arkitektura garaikideko eraikinetan kokatuak. Ondare historikoaren eta ardoaren kulturaren arteko uztarketa horrek definitzen du hiribilduaren nortasuna eta Arabako Errioxan duen zeregin nagusia.