Txingudiko badia

Txingudiko badia Bidasoa ibaiaren bokalean eratzen da, Gipuzkoako ipar-ekialdeko muturrean. Bertan elkartzen dira Kantauri itsasoa, inguruko mendiak eta Hondarribia, Irun eta Hendaia herriak. Muga naturaleko gune honek nortasun propioa duen lurralde bat egituratzen du, eta haren gainetik Jaizkibel mendia nabarmentzen da; iparraldetik paisaia ixten du eta badiaren zein itsasoaren gaineko talaia bikaina da.

Multzoaren naturgune esanguratsuena Plaiaundi da. Gune hori Txingudiko Hegaztientzako Babes Bereziko Eremuaren (HBBE) eta Txingudi-Bidasoa Batasunaren Intereseko Lekuaren (BIL) barruan dago. Gainera, Plaiaundi Nazioarteko Garrantzia duten Hezeguneen Ramsar Zerrendaren parte da. Bere 24 hektareako padurek eta aintzirek nazioartean aitortutako balio natural handiko babeslekua eskaintzen diete hegazti migratzaileei.

Badiak natura-ondare hori eta aisialdirako aukera ugari uztartzen ditu: oinezkoentzako ibilbideak, Bidasoan egin daitezkeen ur-kirolak eta Badiaren Bidea, estuarioaren perimetroa zeharkatzen duen ibilbidea, ibaiertzeko hiru udalerriak lotzen dituena.