Omako Basoa bisitatu Kortezubin

Kortezubiko Omako Basoa, Urdaibaiko ingurune naturalean kokatua, euskal arte garaikidearen erreferentzia nagusietako bat da. Agustín Ibarrola artistak motibo eta irudi geometrikoak margotu zituen pinu radiaten enborretan, Arte eta Natura korronte artistikoaren barruan kokatzen den lan handi bat osatuz: naturaren baitan sortutako artea, paisaia euskarri eta lehengai gisa erabiliz. Ibilbideak basoan zehar banaturiko 34 multzo artistiko hartzen ditu. Bi eta hiru dimentsioen arteko jolasak bisitariak obraren erdigunean jartzen du: irudiak agertu, eraldatu eta desagertu egiten dira begiratzen den lekuaren eta mugimenduaren arabera. Bisita librean egin daiteke, edo larunbatetan eta data berezietan eskaintzen diren bisita gidatuetan parte hartu. Bi kasuetan aldez aurretik sarrera erreserbatu behar da. Omako Basoa Bizkaia edo Urdaibaiko inguruetan egindako edozein ibilbideko geltoki berezia da.